स्वराज श्रीकांत ठाकरे... मराठी मनाचा "राज ठाकरे..." आजच्या ५० वर्षांपूर्वी जन्माला आलेली एक कडवट स्वाभिमानी मराठी व्यक्तिरेखा..
शिवसेनाप्रमुख बाळासाहेब ठाकरे ह्या अदभूत विभूतीच्या छत्रछायेखाली मोठी झालेली विभूती म्हणजेच राज ठाकरे.. अगदी जन्मापासून ते वयाच्या ४० वर्षापर्यंत बाळासाहेबांना अगदी जवळून अनुभवणारा बाळासाहेबांचा निष्ठावंत चाहता.. हिंदुस्थानातील राजकारणाचा एक वेगळा पैलू म्हणजे बाळासाहेब आणि त्या पैलूला उभेऊभ जपणारा राजकारणी म्हणजे राज ठाकरे..
राजकारण म्हंटल तर सामान्यांना न पटणारी गोष्ट. राजकारणातल्या चांगल्या विचारसरणीच एक उत्तम उदाहरण म्हणजे राज ठाकरे. भविष्यातला राजकारणाची दिशा अगदी अचूकपणे ओळखणारा राजकारणी. राजकारणातील मुख्य पैलूत उत्तम वक्ता, हजर जबाबी, परिस्थितीची सखोल माहिती, योग्य निर्णय, विकासमुख आणि स्वाभिमान ह्या सर्व पैलूंची योग्यं सांगड घातलेला नेता. आदोलनांची दिशा ठरवून योग्य रीतीने आंदोलन यशस्वी करणारा योग्य आंदोलक. राष्ट्राच्या विकासासाठी योग्य ती विकसनशील कल्पना प्रत्यक्षात उतरवण्याची धडपड असणारा नेता. छत्रपती शिवाजी महाराजांच्या विचारणा अग्रस्थानी मानणारा शिवप्रेमी.
मराठी माणसाच्या न्यायहक्कासाठी लढणारा मराठी हृदयसम्राट. जीवाची पर्वा न करता १०० च्या वर केसेस स्वतःवर घेणारा एकमेव राजकारणी. हिंदुस्थानच्या पाठीवर विकासाचं प्रेसेंटेशन देणारा एकमेव नेता. सत्ता नसताना विकासाचं ब्लू प्रिंट सादर करणारा अभ्यासक. मराठी माणसाचा स्वाभिमान जागा करत असताना स्वाभिमानाला अग्रस्थानी ठेवणारा नेता. कुठल्याही अन्यायावर वाचा फोडणारा आणि सामन्यां करता धावून जाणारा राजकारणी. तरुणाईवर अविरत राज्य करणारा तरुण नेता. राष्ट्रीय राजकारणात सक्रिय नसताना प्रादेशिक राजकारणात कुठलीही सत्ता नसताना स्वतःच वर्चस्व निर्माण करणारा कणखर नेता.
आयुष्याच्या वाटचालीवर अनेक संकटाना समोर जाताना काही चुकांना मागे टाकून पुढे जाण्याची ईच्छाशक्ती ठेवणारा नेता. पक्षसंघटना, राजकीय घडामोडीत कमी पडलेला नेता. सामन्यांना कमी प्रमाणात उपलब्ध होणारा माणूस सर्व गोष्टींवर विचार करून स्वतःला सिद्ध करण्याची धडपड बाळगणारा नेता.
राजकीय इच्छाशक्तीने मार्गक्रमण करणाऱ्या राज ठाकरे ह्या जिद्दी नेत्याला ५० व्या वाढदिवशी राजकीय "राजस्व" प्रस्थापित होवो ह्याच शुभेच्छा.
(राजकीय वारसा १)
डॉ. प्रशांत शिरोडे.
Chhan sir
उत्तर द्याहटवा