हे वर्ष किती लवकर संपलं ना? साहजिकच एक वर्ष संपत असताना दुसऱ्या वर्षी नेहमी येणारा सामान्य प्रश्न? कधी चर्चा इंग्रजी नवीन वर्षाची तर कधी मराठी नवीन वर्षाची.. कधी दिवाळीतील नवीन वर्ष तर कधी धर्माच्या रितीनुसार नवीन वर्ष.. इंग्रजांच्या सानिध्यानंतर आणि जागतिक गरजेनुसार इंग्रजी नवीन वर्षाला थोडं जास्त महत्व प्राप्त झालं.
नवीन वर्ष नेहमी काहीतरी नवीन करण्याच्या उमेदीने उगवत. नवीन संकल्पना, नवीन स्वप्न, नवीन स्पर्धा, नवीन लक्ष.. सगळं काही नवीन नवीन मनात येत आणि नावीन्याला किती प्रमाणात सत्यात उतरवायचं हे व्यक्तिपर अवलंबून असत. जुन्या थांबलेल्या गोष्टींना पुढे नेण्याचा संकल्प सुद्धा नवीन सुरवातच असू शकतो.
आता तर बातमी पण वाचायला भेटते कि १ जानेवारीला जिमला व्यायामाला येणाऱ्यांची संख्या खूप असते आणि आठ दिवसात ती पुन्हा आहे तीच होते. म्हणजे व्यायामाचं स्वप्न नवीन वर्षापुरते असते आणि हळू हळू ते कमी होते. संकल्प करायचा तर तो पूर्णत्वाला न्यायचाच असतो आणि तो ध्येय ठेवून वेळात पूर्ण केला तर नक्कीच नवीन वर्षाचं नावीन्य संकल्पपूर्तीनंतर पुन्हा जाणवत.
२०१८ ला अलविदा करताना २०१९ च नवीन ३६५ पानाचं पुस्तक चांगल्या गोष्टींनी लिहलं जावो ह्याच सद्धीच्छा. हे वर्ष नवीन संकल्पनांबरोबर, गावापासून देशापर्यंत आणि देशापासून विश्वापर्यंत सुखाचं जावो. नवीन कल्पना, नवीन स्वप्न, नवीन ध्येय आणि सर्व नवीन प्रत्यक्षात येवो ह्याच हृदयापासून शुभेच्छा..
डॉ. प्रशांत शिरोडे..
कोणत्याही टिप्पण्‍या नाहीत:
टिप्पणी पोस्ट करा