प्रसारमाध्यमांवर एक बातमी बघितली गोव्याचे मुख्यमंत्री मनोहर परिकर यांच दुःखद निधन झालं. ऐकून वाईट वाटलं, राजकारणातील अनन्य साधारण व्यक्तिमत्व भारतमातेनं हरपलं. अतिशय शांत, साधी राहणीमान आणि उच्च विचार असलेला माणूस. कोकणी भाषेबरोबर मराठी
भाषेवरही तितकंच प्रेम करणारा व्यक्ती.
स्वच्छ प्रतिमा असलेल्या परीकरांनी गोव्याचं मुख्यमंत्रीपद तीन वेळा सांभाळलं आणि देशाचं संरक्षणमंत्रीपद हि सांभाळलं. आयआयटी मुंबई इथून आपलं शिक्षण घेवून विद्याविभूषित असलेला हा राजकारणी साधा ड्रेस आणि चप्पल घालून वावरायचा. गोव्याच्या विकासात मुख्य भूमिका बजावताना आंतराष्ट्रीय फिल्म फेस्टिवल प्रत्येक वर्षी घडवून आणण्याचं श्रेय त्यांना जात. गोव्याच्या विकासाला एका वेगळ्या उंचीवर
नेऊन आंतरराष्ट्रीय पर्यटन स्थळ विकसित करण्यात त्यांचा मोलाचा वाटा होता.
उच्चशिक्षित आणि मुख्यमंत्रीसारख्या पदावर असताना स्कुटरवर कुठल्याही सुरक्षेशिवाय बिनधास्तपणे लोकांमध्ये मिसळणारा नेता. कुठल्याही शासकीय व्यवस्थेला केव्हाही लोककल्याणासाठी धावून जाणारा नेता. राजकीय इच्छाशक्तीला एका आगळ्यावेगळ्या मार्गावर नेवून आपल्या राज्याचा विकास करणारा महान राजकारणी. देशाचं संरक्षणमंत्रीपद सांभाळताना सर्जिकल स्ट्राईक सारखा मोठा निर्णय प्रत्यक्षात घडवून आणणारा कर्तबगार मंत्री.
मुख्यमंत्री ह्या पदाला आदर्शवत व्यक्तिमत्व असणारे मनोहर परिकर वयाच्या ६३ व्या वर्षी भारतभूमीला सोडून गेले. नावात मनोहर असलेलं व्यक्तिमत्व राजकीय मनाला हरवून गेलं. देशसेवेचे व्रत घेणाऱ्या ह्या दिलदार नेत्याला भावपूर्ण श्रद्धांजली.
डॉ. प्रशांत शिरोडे.
भावपूर्ण श्रद्धांजली
उत्तर द्याहटवाभावपूर्ण श्रद्धांजली
उत्तर द्याहटवाभावपूर्ण श्रद्धांजली
उत्तर द्याहटवाभावपूर्ण श्रद्धांजली
उत्तर द्याहटवाछान डॉ
उत्तर द्याहटवा