माझा महाराष्ट्र ...

हि मायभूमी,हि जन्मभूमी, हि कर्मभूमी हि आमुची..
महावंदनीय अति प्राणप्रिय हि मायमराठी आमची..

शिवरायांच्या पावन स्पर्शाने सौभागयित झालेल्या महाराष्ट्र ह्या भूमीत अनेक अजरामर व्यक्ती आणि गोष्टी घडल्या. हिंदुस्थानच्या पाठीवर महाराष्ट्र हे नावातच महा म्हणजे मोठं असलेलं राष्ट्र आहे.

देशाला परकीयांच संकट आलं, मुगलांचं संकट आलं, इंग्रजांचं संकट आलं. जेव्हा देशावर संकट आली तेव्हा सर्वात पहिले उभा राहिला तो माझा महाराष्ट्र.. जेव्हा जेव्हा हिमालयावर संकट आली तेव्हा तेव्हा हा सह्याद्री मोकळ्या मनाने आणि निधड्या छातीने धावून गेला. पराक्रमाची आणि यशोगाथेची, शौर्याची आणि विक्रमांची, ज्ञानाची आणि संस्काराची हि महान महाराष्ट्र भूमी. हीच आमची मायभूमी जिणे मराठी भाषेचा महान  वारसा दिला, हीच आमची जन्मभूमी जिणे जन्मताच शिवरायांचा इतिहास दिला, हीच आमची कर्मभूमी जिणे स्वाभीमानाचा रस्ता दाखवला.. महाराष्ट्रभूमी हि वंदनीय, प्राणप्रिय आणि प्रेरणादायी आहे..

शिवरायांनी मुघलांच्या आक्रमणातून हिंदुस्थानाला
मुक्त केलं, महात्मा फुले आणि सावित्रीबाई फुलेंनी देशाला स्त्री शिक्षण दिल, स्वातंत्र्यवीर सावरकरांसारखा महान स्वातंत्रप्रेमी दिला, बाबासाहेब आंबेडकरांच्या माध्यमातून राज्यघटना दिली. सचिन तेंडुलकर, लता मंगेशकर, जयंत नारळीकर, बाबा आमटे ह्या सारखी अनेक रत्न दिलीत. ह्या राज्याचा जणू डीएनए आहेच कि काहीतरी अन्यनसाधारण व्यक्तिमत्व आजपर्यंत दिलीत.

माझा महाराष्ट्रात आजही प्रत्येक क्षेत्रात अग्रेसर आहे ते संतांच्या संस्कार, शिवरायांचे प्रेरणास्थान आणि परमेश्वराची कृपा. माझा महाराष्ट्र नेहमीच सुजलाम सुफलाम राहो हीच सदीच्छा...

महाराष्ट्र दिनाच्या शुभेच्छा...

डॉ. प्रशांत शिरोडे.